L'intierru Genarín
Coloñar a páxina en castellanu
 
 
Tolos años, pa la nueite de Xueves Santu, miles de llïoneses toman el cascu antigüu la ciudá (el popular Barriu Húmedu) pa cellebrare l'intierru Genarín, la procesión ruidosa, bufa y borracha por antonomasia. Esti popular defile paganu, que se cellebra dispués de medianueite, nun tien convocatoria precisa y tampoucu apaez nu programa oficial de las fiestas, peru cada añu llogra axuntar a miles de Llïoneses que beben oruxu ensin tregua.
 
La singular procesión remembra la muerte d'un pilleyeiru, borrachu, pendencieiru, amante l'oruxu y los burdeles que na nueite'l Xueves Santu de 1.929 morréu atropelláu pol primer camión de la basoria qu'hebiu en Llión, mientras facía las súas necesidaes primarias. Col pasu los años, la ronda fieles, mui escosa nel entamu, masificárase, anque na dómina franquista tuviera prohibida y los participantes clandestinos persiguiéronse. Entá güei, hai xente que camienta esti ritual comu facere una burla intolerable a la Selmana Santa.
 
Esti ritu, qu'algama'l sou 71 cabudañu, entama recordandu la tradición y bendiciendu con oruxu a los nuevos cofrades. Darréu, la comitiva va p'hacia la Plaza'l Granu pa entamar el percorríu polas cais que, sigún la tradición, frecuentaba'l pelleyeiru. Un tonel de madeira adornáu con flores y velas marca'l pasu, a la vuelta que se coreyan consinas comu "Genarín, valiente, queremos aguardiente" "Hombre pequeño de gran pitilín, San Genarín", "Genaro, si t'estrujo, saco buen orujo", etc...

El perrecorríu continúa dica arribare al puntu esautu u morréu. Eillí se fai la ofrenda: laurel, queisu, una fogaza de pan, naranxas y una botiella d'oruxu. , y los siguientes versus:

Y antes de ser declamadas para gloria de este mundo,
Siguiéndote en tus costumbres, pues nunca ganasteis lujos,
Bebamos a tu memoria una copina de orujo,
Que fue lo que más chupaste antes de ser difunto

Textu traducidu al Llïonés pol Conceyu Xoven

Volver a la página inicial